Modifications

91. — « Sur tout, le chou ne doit estre planté pres la vigne, ny la vigne pres:du chou : car il y a si grande inimitié entre ces deux plantes, que les:deux plantez en un mesme terroir, ayans prins quelque croissance, se:retournent arriere l'un de l'autre, et n'en sont tant fructueuses. Qu'il soit:vray, si l'on mesle du vin tant soit peu au pot où cuira le chou, le chou:ne cuira par apres, et si il corrompra sa couleur : mesmes ceux qui veulent:boire beaucoup de vin, sans estre yures, doiuent manger auant des choux:cruds, comme ont de coustume faire les Allemans quand ils veulent boire:à plain godet, et faire partie à qui boira le mieux. Le chou pareillement:ne doit estre planté pres l'origan, rhue et pain de pourceau : parce que:planté ou semé pres ces herbes, il ne proffite aucunement : mesme il:communique une partie de son malheur à son voisin <ref>Cette idée d'antipathie entre le chou et la vigne vient peut-être de ce que les années pluvieuses si favorables au chou sont au contraire néfastes pour la vigne (?)</ref>. »